6種在亞馬遜獲得評論/評分/測評的方法 (超級乾貨！)
- Myra Chow
- 16小时前
- 讀畢需時 4 分鐘
喺亞馬遜（Amazon）賣嘢，評論（Review）可以話係影響銷量嘅重要關鍵因素之一。無論係新產品定係已經上架一段時間嘅Listing，評論嘅數量同質量都會直接影響消費者嘅購買決定，甚至影響亞馬遜A9演算法對你產品嘅排名。
有樣嘢要提大家嘅，就係.....一個評論/評分都冇嘅時候，千祈唔好開廣告呀.......
呢篇blog將詳細講解亞馬遜6種主要評論類型，
包括:
Rating（畀星星）
直評（未購買就寫）
VP評論（Verified Purchase）
國際評論（跨站點共享）
Vine計劃
備用Link合併
Rating（星級打分）
第一種就係 rating
由2019年開始，亞馬遜畀買家喺俾評論嘅時候，唔使寫內容，只要揀星星就得。呢啲冇文字內容嘅畀分，就係 rating。
Rating 雖然唔會公開俾人睇，但佢會加落去你總評論數量入面，亦都會直接影響你整體嘅評論星級。不過奉勸大家唔好用自己account 自己畀星星自己，係唔會 show up㗎！
直評（未購買就寫）
第二種係「直評」
亞馬遜係畀未買過產品嘅用戶，都可以幫你寫評論。呢種就叫做直評。每個 Amazon 賬戶最多可以寫五個直評，寫多咗，亞馬遜就會幫你清除。
直評對新產品嚟講都幾有用，尤其你啱啱上架冇乜Review嘅時候。
不過，新要留意，直評都可以變成一種「攻擊手段」。
例如有人故意喺你個產品度留一啲負面直評，如果唔好彩中招嘅話，可以DM搵我做諮詢。
第三種係 VP 評論，即係 Verified Purchase。
即係個顧客真係買咗你嘅產品，然後寫評論，評論旁邊會有個「已購買」標誌。相反，直評係唔會有呢個標誌。
Verified Purchase (VP)
VP 評論點樣搵？ 咁 VP 評論點樣搵呢？
一係你逐張Order 喺賣家後台一個一個邀請人評論，不過好麻煩。
或者你可以透過 Helium10 / 賣家精靈，如果你有連接Amazon後台，軟件就會有啲功能幫你email畀啲顧客提供佢哋畀評論你
國際評論（跨站點共享）
第四種係「國際評論」。
如果你一個ASIN喺唔同站點賣緊，同一條listing喺唔同地區都有上架，咁就可以共享同一批review。
官方 Amazon VINE 計劃
第五種係「Vine」計劃。
Amazon Vine 計劃係亞馬遜官方推出嘅產品評論計劃，幫助賣家為新商品快速獲得高質素嘅評論。賣家可以將產品免費提供畀被亞馬遜邀請嘅「Vine Voice」評論者試用，呢啲評論者會喺試用後撰寫誠實嘅評論，協助其他買家作出購買決定。每件商品最多可以獲得30條評論，根據亞馬遜資料，參與Vine計劃有機會令銷售額提升高達30%。
Vine 新規定提醒 提醒你兩個重點：
第一，以前註冊 Vine 需要品牌註冊，但而家美國、加拿大、英國、法國、德國、意大利、西班牙八大站點，已經唔需要品牌註冊，所有賣家都可以用。
備用Link合併
第六種係「備用Link合併」。
即係你有一啲舊listing已經唔用，但啲評論仲喺度，咁你可以儲起條link，之後推出新品嘅時候，用嚟合併評論，令新品一開始就有review加持，呢招都好有效。不過合併時要留意產品類別，如果兩種合併的產品來自兩個很不同的類別，亞馬遜未必會批準合併。
評論權重排序與演算法說明
最後提醒大家：
評論星級唔係淨係將所有評論拉勻計平均數。
Amazon背後有演算法，會根據唔同類型嘅評論比唔同權重。
最高權重嘅評論就係有圖片/影片又有文字嘅 Verified Purchsed 評論；其次就係有文字嘅 VP 評論；而冇VP嘅直評，會佔比較低嘅權重。
同時，仲會考慮啲評論人本身過往買賣紀錄，評論有冇被人 like / dislike 呢啲因素去決定
總結
綜合嚟講，亞馬遜嘅評論系統複雜但極其重要，唔同類型嘅評論對產品嘅影響力亦各有高低。VP評論（Verified Purchase） 由於經過真實購買驗證，權重最高，尤其係附帶圖片或影片嘅長篇評論，對提升轉化率同排名幫助最大。
而 直評 雖然容易獲取，但權重較低，甚至可能被競爭對手利用作惡意攻擊。
如果想快速建立評論，可以考慮參加 Vine計劃，或者利用 國際評論共享 同 備用Link合併 等技巧，幫新產品短時間內累積可信嘅評價。不過要記住，亞馬遜嘅演算法會根據評論嘅真實性、用戶互動（如Like/Dislike）等因素調整權重，所以「質」比「量」更重要，切忌用不合規手段刷評，以免觸犯平台規則。
最後，建議賣家定期監控評論，及時處理負評，並透過合規方式（如電郵邀請）鼓勵滿意嘅顧客留評，先至係長遠穩定增長銷量嘅最佳策略！如果你對某種評論獲取方法有疑問，或者遇到惡意攻擊，歡迎進一步諮詢專業解決方案。 🚀
如果你想在亞馬遜創業，但又感到困難重重，誠邀你預約和我做個一對一免諮詢，我有個課程教你如何開店。
其他亞馬遜開店資源
【Amazon百萬創業手冊】- 新手入門必備手冊！講咗好多新手不可不知的Amazon開店事項和知識，立即下載：https://bit.ly/47dFS4t
電商都在哪裡入貨？送你超級乾貨 【20個批發貨源】，多種不同類別的產品入貨點，無私公開，立即下載：https://bit.ly/oflypok20wholesale 想做亞馬遜，又唔知點樣預計成本？快啲下載我嘅【開業成本計算表】，計好數先至開始，更有把握，按此下載：https://bit.ly/pllp-cost-sheet-download